انا كنت بحلم ابقي ملكة
و لزمام الدنيامالكة
و التاج منور ع الجبين
ضمير وحق عدل دين
انا كنت بحلم بالحياة تبقي بهية؟
والنفوس تبقي ذكية؟
انا كنت بحلم بالغلابة ازاي تعيش؟
و ازاي امالها مينتهيش؟
و صحيت لاقتني والرعايا
لاقتني واحدة م الضحايا
و انا كنت بحلم ابقي ملكة
فجأة لقيت فوق دهري نازل
كرباج اسود مش فاكرة لونة
فوق راسه خوزة ضلمة كحل
فوق راسه خوزة ضلمة كحل
بيقولي فوقي متحلميش
الي زيك لية يعيش
يصرخ ينادي ع الرغيف
يوجع دماغ متكلفة
متظبطة متأيفة
و صرخت بعلو الصوت
من كتر الم الصوت
وقلت عاش الملك يحي الوزير
وولاد الملك وولاد الوزير
و مرات الملك و مرات الوزير
و ال انا كنت بحلم ابقي ملكة
المشاركات
هناك تعليقان (2):
لم ارى فى كتابات اى من الذين قرات لهم مثل ما قرات لديكى من صدق مشاعر وشفافية التعبير فكلامك فعلا نابع من قلب يعتصره الالم لذلك فهو يدخل مباشرة للقلب
الاستاذه الرائعه عبير حمدى
نحلم ويتحول دائما الحلم الى سراب فى هذا الوطن
واعتقد ان احلامك لو كانت فى وطن اخر لأصبحتى ملكه بالفعل وان كنتى لن تتوجى
ملكه بحترام الكل لكى فى كل مكان
ملكه برائيك فلا يزور ولا يصادر
ملكه بأسلامك ودينك وكتاباتك
احييكى على قصيدتك واسمحى لى ان احتفظ بها على جهازى الخاص
وتقبلى منى اجمل تحيه وباقه ورد ولكى شكرى
إرسال تعليق